SARE HEZKUNTZA GELAN

Azken urteetan gizartean izandako aldaketa eta aurrerapenek hezkuntzaren alorrean ere teknologia berriak sartzea ekarri dute.  Urteak dira  IKTen erabileran oinarritutako ikasketa prozesuen aldeko apustua egin genuela.  Gure eskola, IKTak gelan erabiltzearen onurak argiak zirela pentsatuz, buru belarri sartu zen Eskola 2.0 proiektuan eta IKT heldutasun ereduan, baita Sare Hezkuntza Gelan proiektuan ere. Gaur egun, IKT heldutasun ereduko maila ertaina lortua daukagu eta normaltasunez erabiltzen ditugu Eskola 2.0 proiektuak eskaini zizkigun baliabideak baita proiektu kolaboratibo eta telematikoetan parte hartu ere.

Eskolak IKTak egunerokotasunean sustatzen saiatu da azken urteetan. Hau ikusten da, adibidez, gure Web Orrialdean, etengabeko garapenean dagoena, non eskolaren inguruko informazioa eskaintzen da, baita hezkuntzarekin erlazionatutako informazioa ere. Sare sozialak ere erabiltzen ditugu familiekin informazioa partekatzeko.

Hornikuntzari dagokionez, 5. eta 6. mailetan ikasle bakoitzak bere banakako ordenagailua dauka gela barruan eta bere erabiltzaile eta pasahitza. Ikasle bakoitzari Google kontu bat sortzen zaio eta egunerokotasunean lan egiten da  Classroom, Drive, Gmail, DocHub eta beste aplikazioekin. Ikasleak guztiz kapazak dira aurkezpenak, dokumentuak, kartelak, inkestak eta abar egiteko, hauek partekatzeko, haien artean komunikatzeko eta emaitzak eta notak ikusteko. Horrez  gain, 3. mailan hasten dira umeak informatika klaseak jasotzen, horretarako zehaztuta dagoen gelan.

Gela bakoitzak arbela digitala bana du eta hau erabiltzen dugu dokumentuekin lan egiteko, aplikazioak erabiltzeko, filmak ikusteko, musika entzuteko, irakurtzeko, jarduera desberdinak garatzeko, arbela normala izango balitz bezala idazteko eta abar.

Irakasleen artean formakuntzak egiten dira aipatutako tresna guzti horiek, baita Google aplikazioak ere, menperatzeko (Classroom, Drive, Gmail, Jamboard, DocHub) .